விட்டில் காதல் !

ஐந்தில் ஆசை ஆசையாய் கட்டிய மண்வீட்டிற்கு

விளக்கு செய்வேன் மின்மினிப்பூச்சிக் கொண்டு !

ஏழில் அலை அலையாய் ஒளிபரப்பும்

விளக்கில் விரல் அசைத்து விளையாடுவேன் !

பத்தில் வித விதமாய் விரலிணைத்து

விளக்கின் ஒளியில் மின்னும் நிழல் ரசிப்பேன் !

பதிமூன்றில் கூட்டம் கூட்டமாய் உயிர்விடவென

விளக்கில்விழும் பூச்சிகள் கண்டு வருந்துவேன் !

இன்றோ வில்லை வில்லையாய் வந்து விழும்

உன் நினைவுகள் எண்ணிக் கொண்டே

விளக்கணைக்கிறேன் !!!

உன் காதலில் விழுந்து நானும் விட்டிலானேனோ ?