இயல் !

சமூகவியல் - நம் மாலை நேர சந்திப்பு ..

புவியியல் - உன் விழி வீசும் ஈர்ப்பு விசை ..

வேதியியல் - உனது மூச்சு முட்டும் முத்தம் ..

மின்னியல் - எனைத் தூண்டும் உன் தீண்டல் ..

கணிதம் - முடிவிலியாகும் என் இதயத் துடிப்பு ..

மொழியியல் - உன் இதழ் உதிர்க்கும் வார்த்தை ..

உளவியல் - உன் நினைவுகள் நிரம்பிய என் கனவு ..

விலங்கியல் - உன் அருகாமையில் சூடேறும் சுவாசம் ..

தொடர்பாடல் - உன் இரவு நேர செல்பேசிக் கவிதைகள் ..

தாவரவியல் - வெட்கம் பூக்கின்ற செடியாக மாறும் நான் ..

பொருளியல் - நீ கொடுக்கும் விலையற்ற காதல் பரிசுகள் ..

இயற்பியல் - உன் குரலில் தொனிக்கும் மின்காந்த அலைகள் ..என எண்ணில்லா

பாடங்கள் நம் காதலில் படிக்கிறேன் ! ! !