ஓட்டம் !!!

ஒரு வருட மென்பொருள் வேலை 

ஒரு விதத்திலும் உடன்வரவில்லை -எனினும் 

உள்ளத்திலிருந்து ஒதுக்கிவிட முடியவில்லை !!!

இரண்டு வருட காதல் காவியம் 

இணைந்தும் இன்பம் இல்லை -எனினும் 

இதயத்திலிருந்து நீக்கிவிட்டால் நானேயில்லை !!!

மூன்று வருட மருத்துவக்கனவு 

மருந்துக்கு கூட நிறைவேறவில்லை -எனினும் 

மனதிலிருந்து தூக்கியெறிய மனமில்லை !!!

நான்கு வருட மின்னியல் உழைப்பு 

நாளொன்றுக்கு கூட உதவவில்லை -எனினும் 

நெஞ்சிலிருந்து அகற்ற தெரியவில்லை !!!

ஐந்து வருட ஆட்சிப்பணி விழைவு 

வெற்றி இன்னும் விளங்கவில்லை -எனினும் 

அடியோடு விட்டுத்தள்ளிவிட  தைரியமில்லை !!!

என் கனவுகள் நிறைவேறுவதில்லையோ ? - இல்லை 

நான் நிறைவேறும் கனவுகள் காண்பதில்லையோ ?

பகல்களை வெறுக்கிறேன் கனவுகள் துரத்துவதால் ...

இரவுகளை வெறுக்கிறேன் நினைவுகள் துரத்துவதால் ....

என்று நிற்குமோ இந்த ஓட்டம் !!!