கனவுத்தொட்டிலில் என்னை உறங்கவைக்கும்
நீ தூளிக்கயிறு !
காதல் மங்கையாய் என்னைச் சிறகடிக்கவைக்கும்
நீ ஊஞ்சல்கயிறு !
நீ வாளிக்கயிறு !
இல்லாத அழகை வார்த்தையால் வர்ணிக்கும்
நீ மணல்கயிறு !
இதயயிரும்பினை உருகாமல் கவர்ந்திழுக்கும்
நீ காந்தக்கயிறு !
ஓயாமல் வளைக்கரம் பற்றிக்கொள்ளும்
நீ காப்புக்கயிறு !
லட்சியக்காளையை பிடித்திழுக்க உதவும்
நீ மூக்கணாங்கயிறு !
வெற்றிகளில் நான் துள்ளும்பொழுது களிக்கும்
நீ தாண்டும்கயிறு !
சாதனைகள் நான் புரிய சீராய் வழிகாட்டும்
நீ ஏணிக்கயிறு !
வாழ்வலையில் நம் காதல் தொலையாமல் பேணும்
நீ தோணிக்கயிறு !
சோகங்களை அன்பால் உலரச்செய்யும்
நீ கொடிக்கயிறு !
துவளும் பொழுதுகளில் என்னைத் தாங்கும்
நீ கட்டில்கயிறு !
உடல்மட்டும் என்வசம் விட்டு உயிரை வைத்திருக்கும்
நீ பாசக்கயிறு !
என்றும் விலகாமல் என்னுடனே இரு !!!
No comments:
Post a Comment