நெகிழி !!!

உன்னருகில் கொஞ்சம் துரிதமாயும்

உன்பிரிவில் கொஞ்சம் மிதமாயும்

வேகம் மாறித் துடித்து நெகிழியாகிப் போனதென் இதயம் !

உனை  ரசிக்கையில் கொஞ்சம் அகலமாயும்

உனை முறைக்கையில் கொஞ்சம் குறுகலாயும்

விரிந்து சுருங்கி நெகிழியாகிப் போனதென் இமைகள் !

உன் கூடல்களில் கொஞ்சம் வெப்பமாயும்

உன் ஊடல்களில் கொஞ்சம் குளிர்ந்தும்

வெந்து தணிந்து நெகிழியாகிப் போனதென் தேகம் !

நெகிழிகளின் பயன்பாட்டை வெளியே எதிர்க்கிறேன்

ஆனால் என்னுள்ளே வளர்க்கிறேன் !!!