வளையல் !

பெயர் சூட்டுகையில் முதன் முதலில் அம்மா அணிவித்த வளையல் !
பள்ளிக் காலத்தில் அழகாய் வட்டம் வரைய உதவிய வளையல் !
உடைந்தாலும் வண்ணங்கள் சேர்த்து விளையாட உதவிய வளையல் !
வாசல் கடக்கும் தோழிக்கு கையசைக்கையில் சிரித்த வளையல் !
வயதடைந்ததும் ஆசையாய் அத்தைப் பரிசாகக் கொடுத்த வளையல் !
வேலையில்லா பொழுதுகளில் பம்பரமாய் சுற்ற பயன்பட்ட வளையல் !
என எண்ணிலங்கா காலங்கள் வளையலோடு வாழ்ந்திருந்தாலும்
நீ என் கரம் பற்றியதும் வளையலாகிப் போன உன் விரல்கள் மட்டும்

ஏனோ என் வளைக்கரம் கடந்து உயிர் துளைத்துச் சென்றது !!!